​बन्दुक बेच्ने ३ जना पक्राउ

दमौली, ९ पौष । ५ थान भरुवा बन्दुक बोरामा लुकाएर बेच्न हिँड्दै गरेका ३ जनालाई दमौलीको आँबुखैरेनिबाट  प्रहरीले पक्राउ गरेको छ । आँबुखैरेनीका लेखबहादुर भुजेल, सारजन थापा र लालध्वज भुजेललाई बिहिबार प्रहरीले पक्राउ गरेको हो ।

अदुवाको बोरामा लुकाएर हिंडेका उनीहरुको गतिविधि शंकास्पद लागेकाले ईलाका प्रहरी कार्यालय आँबुखैरेनीको टोलीले खानतलासी गर्दा हतियार बरामद भएको तनहुँका प्रहरी नायब उपरीक्षक राकेश सिंहले बताउनुभयो ।